Түркийиликләр рус саяһәтчилиридин бизар болушқа башлиди


2007.09.23
Share on WhatsApp
Share on WhatsApp

Һәр йили яз мәзгили түркийиниң саяһәт алтун вақти болуп, түркийә җумһурийитиниң кириминиң хели көп қисими саяһәтчиликтин кириду. Хәвәрләрдин қариғанда түркийиниң анатолийә қатарлиқ оттура йәр деңизи бойидики саяһәт нуқтилириға һәр йили явропа мәмликәтлиридин башқа йәнә русийә, украинийә, белорусийә қатарлиқ сабиқ совет иттипақи дөләтлиридин наһайити көп санда саяһәтчиләр келиду.

Бу йил русийә вә украинийә саяһәтчилири алдинқи йилдикидин көп ешип кәткән болуп, анатолийә деңиз қирғиқидики меһманханилар улар билән толған. Әлвәттә, бу түркийә саяһәт содигәрлири үчүн хушаллинарлиқ иш болсиму, бирақ буниң әксичә уларни хапа қилидиған йеңи ишлар йүз бәргән. Чүнки, русийилик вә украинийиликләрниң һәддидин зиядә көпийип, меһманханиларни игилиши билән явропадин келидиған саяһәтчиләр азлап кәткән болуп, явропалиқлар руслар билән бир йәрдә яки йеқин турушни халимайдикән. Чүнки, явропалиқ саяһәтчиләр русийиликләрниң һарақни көп ичишини вә қалаймиқан вараң-чуруңлирини яқтурмайдикән.

явропалиқ саяһәтчиләр анатолийиниң кона вә көп пул хәҗләйдиған һәм тинч херидарлири болғанлиқи үчүн түркийә меһманхана игилири русийиликләргә орун беришни қисқартқан.

Пәрғанә агентлиқиниң хәвиригә асасланғанда, русийилик саяһәтчиләр бәш юлтузлуқ меһманханиларда даим һарақ ичип мәс болидиған ишларни садир қилидикән. 20-Сентәбир күни 31 яшлиқ бир рус саяһәтчи бәш юлтузлуқ меһманханидики чүшкән өйидә кечичә һарақ ичип, ахири қип- ялиңач һалда каридорға чиқип, варқирап йүргәндин кейин иккинчи қәвәттин чүшүп кетип өлгән. Бу вәқә анатолийини зил-зилгә салған.

Түркийә, русийә вә украинийә қатарлиқ сабиқ совет иттипақи әллириниң саяһәтчилири арилиқ көп иқтисадий пайдиға еришиду. Һәр күни тохтавсиз келидиған бу саяһәтчиләр түркийигә келип түрлүк малларни сетивалиду һәмдә дәм алиду. Шуниң билән бир вақитта йәнә нурғун түрк ширкәтлири русийидә сода қилиду.( Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.