Türkiyilikler rus sayahetchiliridin bizar bolushqa bashlidi


2007.09.23
Share on WhatsApp
Share on WhatsApp

Her yili yaz mezgili türkiyining sayahet altun waqti bolup, türkiye jumhuriyitining kirimining xéli köp qisimi sayahetchiliktin kiridu. Xewerlerdin qarighanda türkiyining anatoliye qatarliq ottura yer déngizi boyidiki sayahet nuqtilirigha her yili yawropa memliketliridin bashqa yene rusiye, ukra'iniye, bélorusiye qatarliq sabiq sowét ittipaqi döletliridin nahayiti köp sanda sayahetchiler kélidu.

Bu yil rusiye we ukra'iniye sayahetchiliri aldinqi yildikidin köp éship ketken bolup, anatoliye déngiz qirghiqidiki méhmanxanilar ular bilen tolghan. Elwette, bu türkiye sayahet sodigerliri üchün xushallinarliq ish bolsimu, biraq buning eksiche ularni xapa qilidighan yéngi ishlar yüz bergen. Chünki, rusiyilik we ukra'iniyiliklerning heddidin ziyade köpiyip, méhmanxanilarni igilishi bilen yawropadin kélidighan sayahetchiler azlap ketken bolup, yawropaliqlar ruslar bilen bir yerde yaki yéqin turushni xalimaydiken. Chünki, yawropaliq sayahetchiler rusiyiliklerning haraqni köp ichishini we qalaymiqan warang-churunglirini yaqturmaydiken.

Yawropaliq sayahetchiler anatoliyining kona we köp pul xejleydighan hem tinch xéridarliri bolghanliqi üchün türkiye méhmanxana igiliri rusiyiliklerge orun bérishni qisqartqan.

Perghane agéntliqining xewirige asaslan'ghanda, rusiyilik sayahetchiler besh yultuzluq méhmanxanilarda da'im haraq ichip mes bolidighan ishlarni sadir qilidiken. 20-Séntebir küni 31 yashliq bir rus sayahetchi besh yultuzluq méhmanxanidiki chüshken öyide kéchiche haraq ichip, axiri qip- yalingach halda karidorgha chiqip, warqirap yürgendin kéyin ikkinchi qewettin chüshüp kétip ölgen. Bu weqe anatoliyini zil-zilge salghan.

Türkiye, rusiye we ukra'iniye qatarliq sabiq sowét ittipaqi ellirining sayahetchiliri ariliq köp iqtisadiy paydigha érishidu. Her küni toxtawsiz kélidighan bu sayahetchiler türkiyige kélip türlük mallarni sétiwalidu hemde dem alidu. Shuning bilen bir waqitta yene nurghun türk shirketliri rusiyide soda qilidu.( Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.