Yawropa parlaménti türkiyining yawropa ittipaqi ezaliqigha yéshil chiraq yaqti


2004.12.15
Share on WhatsApp
Share on WhatsApp

Yawropa parlaménti charshenbe küni qarar maqullap, türkiyige yawropa ittipaqigha qobul qilish söhbitini bashlash waqti bérish heqqidiki teklip lahiyisini qobul qildi. Yawropa parlaméntining charshenbe küni chaqirilghan yighinida, 262 wekil qarshi bilet tashlighan, 407 wekil türkiyige muzakire waqti bérishni qollighan.

Teklip lahiyiside, türkiyining yawropa ittipaqi yolida élip barghan islahatini medhiyilesh bilen birge, "ezaliq yolidiki muzakiriler uzun bir musapisining bashlan'ghuch nuqtisi," dep körsetken. Shundaqla "söhbetning bashlan'ghanliqi türkiyining yawropa ittipaqigha choqum eza bolush bilen axirlishidighanliqidin dérek bermeydu," dep eskertken.

Türkiyining yawropa ittipaqi ezaliqi, enqerening buningdin kéyinki tirishchanliqigha baghliq ikenlikini tekitligen teklip layihiside, jenubiy siprus kémilirige qaritilghan cheklimini bikar qilish, istanbulning heybeli arilidiki xristi'an mektipining échilishgha yol qoyush, erminiye bilen bolghan chégra éghizlirini échiwétish, alewilerning diniy kimlikini étirap qilish qatarliq teleplerni otturigha qoyghan.

Yawropa parlaméntining teklip layihisi tewsiye xaraktérlik bolup, türkiyige söhbet waqti bérish qararini, yawropa ittipaqining jüme küni gollandiyide chaqirilidighan bashliqlar yighini chiqiridu. Shunga 17 - dékabir türkiyining yawropa ittipaqi yolidiki tarixiy xaraktérlik kün bolup qalidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.