Түркийидә чанақ қәлә уруши хатириләнди


2005.04.24
Share on WhatsApp
Share on WhatsApp

24-Апрел күни түркийидә әнгилийә, франсийә, германийә, канада қатарлиқ он дөләт чанақ қәлә урушиниң 90 йиллиқини хатириләш паалийити өткүзди. Хатириләш паалийити дарданил боғузидики буниңдин 90 йил илгири иттипақчи армийә қуруқлуққа чиққан җайда өткүзүлгән болуп, бу йәргә урушқа қатнашқан он дөләтниң байриқи есилған.

Мурасимға тейип әрдоған қатарлиқ түркийә рәһбәрлири вә урушқа қатнашқан дөләтләрниң юқири дәриҗилик вәкиллири иштирак қилди.

1915-Йили биринчи дуня уруши мәзгилидә австралийә, йеңи зиландийә, әнгилийә , германийә , канада вә франсийә қатарлиқ дөләтләрниң иттипақчи армийиси османли империйисиниң мәркизий туприқи һесабланған түркийә қуруқлуқиға чанақ қәлә арқилиқ чиққан болсиму, әмма түркийә армийисиниң батурларчә қаршилиқиға дуч кәлди. Түрк җәңчилириниң қәһриманлиқлири вә зор қурбан бериш бәдилигә иттипақчи армийә ичкириләп кирәлмәй тосулуп қалди. Бу урушта икки тәрәптин 130 миңдин артуқ адәм қурбан болған . Әнгилийә 21 миң , франсийә 9 миң әскиридин айрилған. Илгири бу урушта пәқәт австралийә билән йеңи зиландийиниңла бәдәл төлигәнлики көрситилгән болса, бу қетим әнгилийә вә франсийиниңму зор адәм чиқими тартқанлиқи етирап қилинди.

8 Айға созулған чанақ қәлә уруши түркләрниң қәһриманлиқ билән өз туприқини қоғдишиниң символи болуп, бу уруш түрк хәлқини мунқәризликтин қутулдуруп қалған иди. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.