Türkiyide chanaq qel'e urushi xatirilendi


2005.04.24
Share on WhatsApp
Share on WhatsApp

24-Aprél küni türkiyide en'giliye, fransiye, gérmaniye, kanada qatarliq on dölet chanaq qel'e urushining 90 yilliqini xatirilesh pa'aliyiti ötküzdi. Xatirilesh pa'aliyiti dardanil boghuzidiki buningdin 90 yil ilgiri ittipaqchi armiye quruqluqqa chiqqan jayda ötküzülgen bolup, bu yerge urushqa qatnashqan on döletning bayriqi ésilghan.

Murasimgha téyip erdoghan qatarliq türkiye rehberliri we urushqa qatnashqan döletlerning yuqiri derijilik wekilliri ishtirak qildi.

1915-Yili birinchi dunya urushi mezgilide awstraliye, yéngi zilandiye, en'giliye , gérmaniye , kanada we fransiye qatarliq döletlerning ittipaqchi armiyisi osmanli impériyisining merkiziy tupriqi hésablan'ghan türkiye quruqluqigha chanaq qel'e arqiliq chiqqan bolsimu, emma türkiye armiyisining baturlarche qarshiliqigha duch keldi. Türk jengchilirining qehrimanliqliri we zor qurban bérish bedilige ittipaqchi armiye ichkirilep kirelmey tosulup qaldi. Bu urushta ikki tereptin 130 mingdin artuq adem qurban bolghan . En'giliye 21 ming , fransiye 9 ming eskiridin ayrilghan. Ilgiri bu urushta peqet awstraliye bilen yéngi zilandiyiningla bedel töligenliki körsitilgen bolsa, bu qétim en'giliye we fransiyiningmu zor adem chiqimi tartqanliqi étirap qilindi.

8 Aygha sozulghan chanaq qel'e urushi türklerning qehrimanliq bilen öz tupriqini qoghdishining simwoli bolup, bu urush türk xelqini munqerizliktin qutuldurup qalghan idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.