Түркийә билән әрменийә мунасивәтлири йирикләшмәктә


2006.10.13
Share on WhatsApp
Share on WhatsApp

Җүмә күни түркийә һәрбий даирилири, әрмәнистан чегра қоғдаш қисимлириниң түркийә тәрәпкә оқ чиқарғанлиқини билдүрди.

Икки күн аввал франсийә парламентниң аталмиш әрмәни қирғичилиқи һәққидә қарар қобул қилиши билән, түркийә ‏- әрмәнистан мунасивәтлири җиддийлишишкә башлиған. Франсийә парламенти тәрипидин қобул қилинған қарарға асасән буниңдин кейин, османли түрклири дәвридә әрмәниләрниң қирғичилиққа учриғанлиқини рәт қилиш җинайәт һесаблинидикән.

Түркийә, әрменийә әзәрбәйҗанниң территорийисини ишғал қилғанлиқиға наразилиқ билдүрүш үчүн 1993‏- йили әрменийә билән болған мунасивәтлирини үзүп, бу дөләт билән чегрисини тақивәткән. Икки дөләт оттурисидики мунасивәтләр болупму әрминиләрниң биринчи дуня уруши җәрянида бир йерим милйон әрмәниниң түркләрниң қирғинчилиқиға учриғанлиқи тоғрисдики муддиалири түпәйли давамлиқ йирик болуп кәлгән.

Әрмәниләр, 1915‏- йилидин 1923‏-йилиғичә болған вақит ичидә бир йерим милйон әрмәниниң түркләрниң қирғичилиқиға учриғанлиқини билдүрмәктә. Әмма түркийә буни қәтий рәт қилип, әрминиләрниң русийиниң күшкүртиши билән партизанлиқ уруши башлитип, түркләргә қарши қирғинчилиқ елип барғанлиқини баян қилмақта.

10‏- Айниң 12‏-күни франсийә парламенти бир қанун лайиһисини қобул қилип, түркләр тәрипидин әрминиләргә қарита елип берилған қирғинчилиқни инкар қилишни җинайәт дәп бекитти.

Франсийә парламентниң қарариға қаттиқ наразилиқ билдүргән түркийә баш министири тайип әрдоған, түркийә һөкүмитиниң франсийигә қарши қандақ тәдбир елиш мәсилисини ойлишиватқанлиқини билдүрди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.