Türkiye bilen erméniye munasiwetliri yirikleshmekte


2006.10.13
Share on WhatsApp
Share on WhatsApp

Jüme küni türkiye herbiy da'iriliri, ermenistan chégra qoghdash qisimlirining türkiye terepke oq chiqarghanliqini bildürdi.

Ikki kün awwal fransiye parlaméntning atalmish ermeni qirghichiliqi heqqide qarar qobul qilishi bilen, türkiye ‏- ermenistan munasiwetliri jiddiylishishke bashlighan. Fransiye parlaménti teripidin qobul qilin'ghan qarargha asasen buningdin kéyin, osmanli türkliri dewride ermenilerning qirghichiliqqa uchrighanliqini ret qilish jinayet hésablinidiken.

Türkiye, erméniye ezerbeyjanning térritoriyisini ishghal qilghanliqigha naraziliq bildürüsh üchün 1993‏- yili erméniye bilen bolghan munasiwetlirini üzüp, bu dölet bilen chégrisini taqiwetken. Ikki dölet otturisidiki munasiwetler bolupmu erminilerning birinchi dunya urushi jeryanida bir yérim milyon ermenining türklerning qirghinchiliqigha uchrighanliqi toghrisdiki muddi'aliri tüpeyli dawamliq yirik bolup kelgen.

Ermeniler, 1915‏- yilidin 1923‏-yilighiche bolghan waqit ichide bir yérim milyon ermenining türklerning qirghichiliqigha uchrighanliqini bildürmekte. Emma türkiye buni qet'iy ret qilip, erminilerning rusiyining küshkürtishi bilen partizanliq urushi bashlitip, türklerge qarshi qirghinchiliq élip barghanliqini bayan qilmaqta.

10‏- Ayning 12‏-küni fransiye parlaménti bir qanun layihisini qobul qilip, türkler teripidin erminilerge qarita élip bérilghan qirghinchiliqni inkar qilishni jinayet dep békitti.

Fransiye parlaméntning qararigha qattiq naraziliq bildürgen türkiye bash ministiri tayip erdoghan, türkiye hökümitining fransiyige qarshi qandaq tedbir élish mesilisini oylishiwatqanliqini bildürdi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.