Түркийә барлиқ түркий тиллиқ дөләтлиригә қаратқан виза түзүмини бикар қилмақчи


2007.11.11
Share on WhatsApp
Share on WhatsApp

Түркийә рәһбири абдулла гүлниң азәрбәйҗан сәпиридә түркийиниң барлиқ түркий җумһурийәтләр пуқралириниң визасиз һалда түркийигә кирип чиқишини йолға қойидиғанлиқини билдүргән.

Пәрғанә агентлиқиниң хәвәр қилишичә, түркийә һөкүмити бу қарарни бу йил июлниң ахирида қобул қилған болуп, бу алди билән явропа иттипақиниң наразилиқини қозғиған. явропа иттипақи түркийиниң явропа иттипақиға кириши мәсилигә аит һәр йили елан қилидиған доклатида бу мәсилини тилға елип, бундақ мәхсус түркий дөләтләргә қаратқан виза түзүмини бикар қилишниң түркийиниң явропа иттипақиға киришидики чоң мәсилә болидиғанлиқини көрсәткән. Абдулла гүл мәзкур мәсилидә явропа иттипақиниң бу тәнқидигә писәнт қилмиған.

Президент абдулла гүл "қериндаш әлләр арисида худди енгилиз тиллиқ дөләтләр һәмдостлуқи дегәнгә охшаш өзлириниң һәмдостлуқини қуруш үчүн һечқандақ тосалғу болмаслиқи лазим" дәп көрситип, түркийиниң буниң үчүн қериндаш түркий дөләтләргә қаратқан виза түзүмини бикар қилидиғанлиқини билдүргән. Абдулла гүл бу қетим түркмәнистан, қазақистанларни зиярәт қилмақчи, у йәнә бу йилниң ахириғичә өзбекистан һәм қирғизистанға беришни пиланлиған.

Түркийә президенти абдулла гүл түркий дөләтләрниң бирлики мәсилиси һәққидә тохтилип. " Биз түркий тиллиқ дөләтләр билән 1990 - йилларниң бешидин тартип романтик мунасивәтләргә игә болуп кәлдуқ. Биз иқтисадни асас қилған мунасивәтләрни башлишимиз лазим " дәп тәкитлигән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.