Түркийә тиҗарәт министири куршат түзмән рәсмий зиярәт үчүн хитайда


2006.09.22

Түркийә тиҗарәт министири куршат түзмәнниң хитайға елип бериватқан рәсмий зиярити давам қилмақта. Куршат түзмәнниң 150 түрк карханичи билән шаңхәй вә бейҗиңдә елип бериватқан зияритигә түрк мәтбуатлири кәң көләмдә йәр бәрмәктә.

Түркийә тиҗарәт министири куршат түзмән 9 - айниң 21 - күни хитай тиҗарәт министири бо шиләй билән учрашқан болуп, бу учришишта ики дөләт оттурисидики тиҗари мунасивәт музакирә қилинған.

"Һөрүрийәт" гезитиниң хәвиригә қариғанда хитай тиҗарәт министири бо шиләй соз қилип биз түркийә билән хитай арисидики тиҗари тәңпуңсизлиқни түзитиш үчүн нурғун тәдбирләрни алдуқ. Түркийидин импорт қилинидиған малларниң таможна беҗини чүшүрдуқ, дегән. У йәнә, 2004 - 2005 йилида түркийигә саяһәткә барған хитай саяһәтчиләрниң 85% җиқлиғанлиқини, 2010 - йилида 50 милйон, 2020 - йилида болса 100 милйон саяһәтчиниң чәтәлгә саяһәткә чиқидиғанлиқини, әгәр түркийә һөкүмити хитайларға визида асанлиқ яритип бәрсә, техиму коп хитай саяһәтчиниң түркийигә бардиғанлиқини дегән.

Түркийә тиҗарәт министири куршат түзмән болса, түркийиниң хитайдин йилда 9 милярд долларлиқ мал еливатқанлиқини, хитайға болса пәқәтла 650 милйон долларлиқ мал сетиватқанлиқини, бу тиҗарәттин түркийиниң изчил зиян тартип келиватқанлиқини баян қилған. Бу тәңпуңсизлиқни түзитиш үчүн хитайларниң түркийидин техиму коп мал елиши керәкликини тәләп қилған.

Куршат түзмәнниң бу зиярити икки дөләт оттурисидики тиҗари мунасивәтни йолға саларму? бу һәқтә доктор әркин әкрәм әпәнди қарашлирини оттуриға қойди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.