Түркмән баши дәпнә қилинди


2006-12-24
Share

21-Декабир күни вапат болған түркмән президенти сәпәр мурат ниязоп, 24- декабир күни өз юрти қипчақ йезисиға дәпнә қилинди.

Русийиниң strana.ru Учур төридики хәвәрдин мәлум болушичә, сәпәр мурат ниязоп қипчақ йезисидики "түркмән баши роһи" дәп аталған әйни вақитта өзи 100 милйон доллар хәҗләп салдурған мәчитниң йенидики зараткарлиққа, ата-анисиниң йениға исламий қаидә-йосун билән дәпнә қилинған икән. Дөләттә йәттә күн матәм тутуш бәлгиләнгән болуп, дәпнә мурасимға түркийә, иран, русийә, америка қатарлиқ әлләрниң вәкиллири қатнашқан.

Һазир дөләтни муавин баш министир қурбан гүл бәрдимуһәммәдоп вақитлиқ башқуруватқан болуп, у түркмән башиниң әң ишәнчилик адәмлиридин болған. Көпинчә көзәткүчиләр униң сәпәр мурат ниязопниң изини бәсиш еһтималлиқи барлиқини билдүрүшкән болсиму, бирақ түркмәнистанда буниңдин кейин өктичиләр һәрикитиниң җүмлидин һоқуқ үчүн болидиған күрәшниң күчийидиғанлиқини билдүрүшәмктә.

Түркмән баши дөләтни 21 йил башқурған болуп, һәр қандақ өктичиликкә йол қоймиған.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт