Türkmen bashi depne qilindi


2006-12-24
Share

21-Dékabir küni wapat bolghan türkmen prézidénti seper murat niyazop, 24- dékabir küni öz yurti qipchaq yézisigha depne qilindi.

Rusiyining strana.ru Uchur töridiki xewerdin melum bolushiche, seper murat niyazop qipchaq yézisidiki "türkmen bashi rohi" dep atalghan eyni waqitta özi 100 milyon dollar xejlep saldurghan mechitning yénidiki zaratkarliqqa, ata-anisining yénigha islamiy qa'ide-yosun bilen depne qilin'ghan iken. Dölette yette kün matem tutush belgilen'gen bolup, depne murasimgha türkiye, iran, rusiye, amérika qatarliq ellerning wekilliri qatnashqan.

Hazir döletni mu'awin bash ministir qurban gül berdimuhemmedop waqitliq bashquruwatqan bolup, u türkmen bashining eng ishenchilik ademliridin bolghan. Köpinche közetküchiler uning seper murat niyazopning izini besish éhtimalliqi barliqini bildürüshken bolsimu, biraq türkmenistanda buningdin kéyin öktichiler herikitining jümlidin hoquq üchün bolidighan küreshning küchiyidighanliqini bildürüshemkte.

Türkmen bashi döletni 21 yil bashqurghan bolup, her qandaq öktichilikke yol qoymighan.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet