Түркмәнистан түрмигә ташланғанларни кәчүрүм қилмақчи


2005-10-09
Share

Русийиниң итар-тас агентлиқиниң түркмәнистанниң пайтәхти ашхабадтин бәргән хәвиригә қариғанда, түркмәнистан җумһурийитиниң президенти сәпәрмурат ниязоп, 10-айниң 27-күни өткүзүлидиған җумһурийәт мустәқиллиқ хатирә күни мунасивити билән өз дөлитиниң түрмилиридә йетиватқан тутқунларниң 3 дин 2 қисимини кәчүрүм қиливетидиғанлиқини елан қилған.

Президент ниязоп һазир түрмиләрдә 12 миң 282 адәмниң йетиватқанлиқи, 8 миң 145 адәмни азад қилмақчи икәнликини билдүргән.

Түркмәнистан һөкүмити һәр йили мушу мәзгилдә кәчүрүм елан қилишни адәт қилған болуп, кәчүрүм қилинғанлар қурани кәрим вә сәпәр мурат ниязоп язған " руһнамә"ни тутуп туруп, өзлириниң буниңдин кейин қәтий җинайәт өткүзмәйдиғанлиқиға вәдә беридикән.

Өткән йили түркмәнистан 9 миң адәмни кәчүрүм қилған. Әмма, түркмәнистан президенти йәнила дунядики диктатурларниң бири дәп қаралмақта, у өзигә "түркмәнләрниң беши", "түркмәнистан қәһримани" дегәндәк намларни бәргәндин сирт йәнә пулларға өзиниң рәсими қуйдурған, һәммила җайға өзиниң рәсимини асқан болуп, уни тәнқид қилған өктичиләрни қаттиқ җазалиған. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт