Rusiyining itar-tas agéntliqining türkmenistanning paytexti ashxabadtin bergen xewirige qarighanda, türkmenistan jumhuriyitining prézidénti sepermurat niyazop, 10-ayning 27-küni ötküzülidighan jumhuriyet musteqilliq xatire küni munasiwiti bilen öz dölitining türmiliride yétiwatqan tutqunlarning 3 din 2 qisimini kechürüm qiliwétidighanliqini élan qilghan.
Prézidént niyazop hazir türmilerde 12 ming 282 ademning yétiwatqanliqi, 8 ming 145 ademni azad qilmaqchi ikenlikini bildürgen.
Türkmenistan hökümiti her yili mushu mezgilde kechürüm élan qilishni adet qilghan bolup, kechürüm qilin'ghanlar qur'ani kerim we seper murat niyazop yazghan " ruhname"ni tutup turup, özlirining buningdin kéyin qet'iy jinayet ötküzmeydighanliqigha wede béridiken.
Ötken yili türkmenistan 9 ming ademni kechürüm qilghan. Emma, türkmenistan prézidénti yenila dunyadiki diktaturlarning biri dep qaralmaqta, u özige "türkmenlerning béshi", "türkmenistan qehrimani" dégendek namlarni bergendin sirt yene pullargha özining resimi quydurghan, hemmila jaygha özining resimini asqan bolup, uni tenqid qilghan öktichilerni qattiq jazalighan. (Ümidwar)
Munasiwetlik maqalilar
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
