Türkmenistan parlaménti 11-féwral küni prézidént saylimi ötküzüshni qarar qildi


2006-12-26
Share

Türkmenistan parlaménti hésablinidighan xelq mesliheti 26- dekabir küni pewqul'adde yighin échip, prézidént namzatlirini békitti we 11-féwral küni prézidént saylimi ötküzüshni qarar qildi.

En'gliye b b s agéntliqi we rusiye agéntliqliridin "strana.Ru" ning uchurliridin qarighanda. Deslepki qedemde parlamént 11 ademni prézidént namziti qilip tallighan bolup, bularning ichide waqitliq wezipe ötewatqan qurban gül berdimuhemmedopmu bar iken.

Xelq mesliheti birdek halda sabiq mu'awin bash ministir berdimuhemmedopni namzatliqqa körsetken bolup, u 21- dekabir küni seper murat niyazop tuyuqsiz wapat bolghandin tartip, bu jumhuriyetni waqitliq bashqurup kelmekte.

Xewerlerdin qarighanda, shiwitsiye panahliqta turiwatqan turkmenistanöktichi weten partiyisi hemde ukra'iniyidiki türkmenistan démokratik küchliri ittipaqi dep atalghan teshkilat özlirining prézidént namzitini körsitishken bolup, weten partiyisining bashliqi, orazop prézidént namzatliqigha körsitilgen.

Seper murat niyazop türkmenistanda peqet birla partiyini yeni özi qurghan turkmenistan démokratik partiyisini qanunluq partiye dep békitken bolghachqa bashqa her qandaq öktichi partiye-guruhlar bu jumhuriyettin qoghlinishqa yaki pa'aliyitini toxtitishqa mejbur bolghan idi.

Közetküchiler türkmenistanda yéngi hakimiyetning ornitilishining murekkep jeryanni bashtin kechürüshi mumkinlikini otturigha qoyushmaqta. Öktichiler türkmenistanning niyazop dewrige xatime bérip, démokratiye yoligha méngishini arzu qilidu. Lékin waqitliq wezipe ötewatqan berdimuhemmedop, saylamning "büyük rehber qurghan démokratik asasta élip bérilidighanliqini" bildürgen. Köpinche közetküchiler berdimuhemmedopning prézidént bolup qélish éhtimalliqining zorluquni bildürüshmekte.

Diktatorluq bilen eyiplen'gen seper murat niyazop 21-dekabir küni tuyuqsiz wapat bolghan idi.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet