Түркмәнистанда сәпәр мурат ниязоп үчүн йәнә бир һәйкәл турғузулмақчи


2006-12-31
Share

Бир һәптиниң алдида вапат болған түркмәнистан президенти сәпәр мурат ниязоп йәни түркмәнләрниң рәһбири мәнисини беридиған түркмән баши үчүн йәнә бир һәйкәл орнитилиш қарар қилинған.

Пәрғанә агентлиқиниң учуридин мәлум болушичә, бу һәйкәл түркмәнистан дөләт бихәтәрлик идариси вә чегра қоғдаш идарисиниң бинаси алдиға орнитилиш қарар қилинған. Мәзкур икки бина сәпәр мурат ниязоп һаят вақтида қурулуш башлиған болуп, 2007-йили 19-феврал күни түркмән башиниң туғулған күни рәсмий пүтидикән.

Учурларға қариғанда, түркмәнистанда сәпәр мурат ниязопниң һәр хил шәкилдики һәйкәллири наһайити көп болуп, униң сани намәлум икән. Буларниң ичидә әң егизи ашхабадтики мәркизий мәйданға җайлашқан 12 метир егизликтики алтун ялитилған һәйкәл әң һәйвәтлик вә алаһидә гәвдилик болуп, буниңға 15 милйон доллар кәткән.

Кишиләр мәрһум түркмән башини шәхсигә чоқунушниң символи болған сталин вә мав зедоңларға охшитиду.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт