Türkmenistanda seper murat niyazop üchün yene bir heykel turghuzulmaqchi
2006.12.31
Bir heptining aldida wapat bolghan türkmenistan prézidénti seper murat niyazop yeni türkmenlerning rehbiri menisini béridighan türkmen bashi üchün yene bir heykel ornitilish qarar qilin'ghan.
Perghane agéntliqining uchuridin melum bolushiche, bu heykel türkmenistan dölet bixeterlik idarisi we chégra qoghdash idarisining binasi aldigha ornitilish qarar qilin'ghan. Mezkur ikki bina seper murat niyazop hayat waqtida qurulush bashlighan bolup, 2007-yili 19-féwral küni türkmen bashining tughulghan küni resmiy pütidiken.
Uchurlargha qarighanda, türkmenistanda seper murat niyazopning her xil shekildiki heykelliri nahayiti köp bolup, uning sani namelum iken. Bularning ichide eng égizi ashxabadtiki merkiziy meydan'gha jaylashqan 12 métir égizliktiki altun yalitilghan heykel eng heywetlik we alahide gewdilik bolup, buninggha 15 milyon dollar ketken.
Kishiler merhum türkmen bashini shexsige choqunushning simwoli bolghan stalin we maw zédonglargha oxshitidu.(Ümidwar)
Munasiwetlik maqalilar
- Türkmenistan parlaménti 11-féwral küni prézidént saylimi ötküzüshni qarar qildi
- Türkmenistanda hoquq kimning qoligha ötüshi mumkin?
- Türkmen bashi depne qilindi
- Türkmenistan muweqqet prézidénti türkmen bashining dölet siyasiti özgermeydighanliqini jakarlidi
- Türkmenbéshi seper murat niyazowning wapati türkmenistanda qandaq özgirishlerge yol achidu?