Бәрдимоһәммәдофниң түркмәнистан президентлиқиға сайлиниш еһтималлиқи күчлүк


2007-02-12
Share

Түркмәнистан даирилири, йәкшәнбә күни түркмәнистанда елип берилған президент сайлимида, аваз бериш һоқуқиға игә кишиләрниң 98 пирсәнтиниң сайламда биләт ташлиғанлиқини вә сайламниң ғәлибилик өткүзүлгәнликини билдүрди. Әмма сайламни көзәткән чәтәл мухбирлири, сайламға қатнишиш нисбитиниң һөкүмәт ейтқандәк, юқири болмиғанлиқини тәкитлимәктә.

Йәкшәнбә күни түркмәнистанда өткүзүлгән президент сайлимиға һечқандақ хәлқаралиқ тәшкилат көзәткүчи әвәтмигән болуп, хәлқара кишилик һоқуқ тәшкилатлири сайламни адаләтлик болмиған дәп қаттиқ тәнқид қилди. Әмма, сиясий мулаһизичиләр, бу қетимқи президент сайлимиға гәрчә охшаш партийиниң әзалири болсиму, 6 кишиниң өзини намзат көрсәткәнликини, тоғра йолда илгириләшниң бир бишарити дәп қаримақта.

Түркмәнистанда өткүзүлгән президент сайлимида, 6 киши өзини намзат көрсәткән, әмма бу алтә кишиниң һәммиси, 2006‏- йили 21‏- декабир күни туюқсиз өлгән түркмәнистан президенти сәпәр мурат ниязофниң партийиси болған түркмәнистан демократийә партийисиниң әзаси.

Сиясий мулаһизичиләр, президент сәпәр мурат ниязофниң өлүмидин кейин, түркмәнистанниң вақилиқ президент вәзиписини өтәватқан бәрдимоһәммәдофниң, түркмәнистан президентлиқиға сайлиниш еһтималлиқиниң күчлүк икәнликини баян қилмақта.

Украинийә телевизийисиниң хәвиригә қариғанда, бәрдимуһәммәдоф йәкшәнбә күни түркмәнистанда өткүзүлгән президент сайлимида берилгән авазларниң 95 пурсәнтини қолға кәлтүргән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт