Türkmenistan yéngi prézidénti türkmenistanda ikki torxanining échilishigha yol qoydi


2007-02-17
Share

Türkmenistanning yéngi prézidénti qorban'ghuli berdi muhemmedof, türkmenistanda cheklik siyasiy islahat élip bérish toghrisida bergen wedisige emel qilip, ash'abadda ikki torxanining échilishigha ruxset berdi.

21‏- Dékabir küni tuyuqsiz wapat bolghan türkmenistan diktator prézidénti seper murat niyazof, intérnét chayxanilirining échilishini qet'i chekligen idi.

Fransiye agéntliqining xewer qilishiche, berdimuhemmedof charshenbe küni türkmenistan prézidént wezipisini tapshurup alghandin kéyin, bir nechche sa'et ichidila ash'abadda ikki intérnét chayxanisining échilishi toghrisida buyruq chüshürgen. Siyasiy mulahizichiler, prézidént berdi muhemmedofning bu herikitini uning türkmenistanda siyasiy islahat élip bérish iradisining bir bishariti dep qarimaqta.

Berdimuhemmedof, ötken yekshenbe küni élip bérilghan prézidént saylimida, türkmenistanning yéngi prézidént bolup saylan'ghan idi. Gerche yawropa bixeterlik we hemkarliq teshkilati qatarliq xelq'ara teshkilatlar türkmenistanda élip bérilghan saylamni köp jehettin tenqid qilghan bolsimu, lékin bu saylamni türkmenistanda démokratiye yolida yaxshi bir bashlinish dep körsetken. Amérika tashqi ishlar yardemchi ministiri richard bawcher, jüme küni türkmenistannning yéngi prézidénti berdimuhemmedof bilen uchrashqandin kéyin, ashq ash'abadta muxbirlargha bedgen bayanatida, türkmenistanning démokratiye yoligha qedem tashlash hemde teb'iy gazini éksport qilish üchün yéngi yollar izdesh waqti keldi, dégen idi.

Türkmenistan hazirghiche teb'iy gazini peqet rusiye arqiliqla chet döletlerge éksport qilmaqta. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet