Ниязофниң исми түркмәнистан вәтәнпәрвәрлик қәсимидин елип ташланди


2007-02-24
Share

Түркмәнистанниң йеңи президенти қурбангули бәрдимуһәммәдоф, түркмәнистанниң күнлүк гезитлиридә елан қилиндиған вә пүтүн телевизийә хәвәр программлириниң ахирида тәкрарлинидиған вәтәпәрвәрлик қәсимидин, 20‏- декабир күни туюқсиз өлгән түркмәнистанниң диктатори сәпәр мурат ниязофниң исимни чиққриветиш тоғрисида буйруқ чүшүрди.

Америка бирләшмә агентлиқиниң хәвәр қилишичә, президент бәрдимуһәммәдофниң ярдәмчилири түркмәнистанда чиқидиған гезитларниң тәһрирлиригә бундин кейин, вәтәнпәрвәрлик қәсимидики сәпәр мурат ниязоф исминиң орниға президент кәлимисиниң ишлитилиши керәкликини билдүргән.

Өткән һәптә түркмәнистанниң пайтәхти ашиқ абадда өткүзүлгән дағдуғилиқ мурасим билән түркмәнистан президент вәзиписини тапшуруалған бәрдимуһәммәдоф, мурасимда қилған сөзидә, улуғ сәпәр мурат түркмәнбашиниң изида маңимән, дегән иди.

Сиясий мулаһизичиләр, түркмәнистан вәтәнпәрвәрлик қәсимидики өзгириш, бәрди муһәммәдофниң бир тәрәптин һакимийәттики орнини мустәһкәмләштүрүп йәнә бир тәрәптин өзини сәпәр мурат ниязофниң сайиситидин узақлаштуруш тәшәббусиниң бир бишарити болуши мумкин, дейишмәктә.

20 Йилға йеқин түркмәнистанни қаттиқ қоллуқ билән идарә қилиған сәпәр мурат ниязоф, өзини пүтүн түркмәнләрниң атиси дәп ататқан. Түркмәнистанниң пүтүн шәһәр вә йезилирида өзиниң һәйкилини турғузған ниязоф, һәтта күнләр, һәптиләр, айлар вә йилларниң исимлирини өзгәртип, улар ға өзи вә уруқ-туққанлириниң исимлирини қойған. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт