Niyazofning ismi türkmenistan wetenperwerlik qesimidin élip tashlandi


2007-02-24
Share

Türkmenistanning yéngi prézidénti qurban'guli berdimuhemmedof, türkmenistanning künlük gézitliride élan qilindighan we pütün téléwiziye xewer programmlirining axirida tekrarlinidighan weteperwerlik qesimidin, 20‏- dékabir küni tuyuqsiz ölgen türkmenistanning diktatori seper murat niyazofning isimni chiqqriwétish toghrisida buyruq chüshürdi.

Amérika birleshme agéntliqining xewer qilishiche, prézidént berdimuhemmedofning yardemchiliri türkmenistanda chiqidighan gézitlarning tehrirlirige bundin kéyin, wetenperwerlik qesimidiki seper murat niyazof ismining ornigha prézidént kelimisining ishlitilishi kéreklikini bildürgen.

Ötken hepte türkmenistanning paytexti ashiq abadda ötküzülgen daghdughiliq murasim bilen türkmenistan prézidént wezipisini tapshuru'alghan berdimuhemmedof, murasimda qilghan sözide, ulugh seper murat türkmenbashining izida mangimen, dégen idi.

Siyasiy mulahizichiler, türkmenistan wetenperwerlik qesimidiki özgirish, berdi muhemmedofning bir tereptin hakimiyettiki ornini mustehkemleshtürüp yene bir tereptin özini seper murat niyazofning sayisitidin uzaqlashturush teshebbusining bir bishariti bolushi mumkin, déyishmekte.

20 Yilgha yéqin türkmenistanni qattiq qolluq bilen idare qilighan seper murat niyazof, özini pütün türkmenlerning atisi dep atatqan. Türkmenistanning pütün sheher we yézilirida özining heykilini turghuzghan niyazof, hetta künler, heptiler, aylar we yillarning isimlirini özgertip, ular gha özi we uruq-tuqqanlirining isimlirini qoyghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet