Болғарийә, түркмән паалийәтчини түркмәнистанға қайтурушни рәт қилди


2007-04-14
Share

Болғарийә сот мәһкимиси, түркмәнистан һөкүмитиниң болғарийидә тутуп турулуватқан бир түркмән кишилик һоқуқ паалийәтчисини түркмәнистанға қайтуруп бериш тәлипини рәт қилип, болғарийә һөкүмитиниң уни дәрһал қоюп бериши һәққидә қарар чиқарди.

Түркмәнистан һөкүмити болғарийә һөкүмитидин, 1992- вә ‏‏1998‏- йиллири арисида түркмәнистан мәркәз банкисиниң муавин башлиқи болуп вәзипә өтигән, анадурди һаҗийефни түркмәнистанға қайтуруп беришини тәләп қилған. Түркмәнистан һөкүмити һаҗийефни түркмәнистан мәркәз банкисидин 41 милйон долларниң оғрилиниши делосиға четишлиқ дәп, әйиблимәктә.

Әмма кишилик һоқуқ паалийәтчилириниң билдүрүшичә, һаҗийеф, сүргүндики түркмәнистан сиясий өктичи һәрикитиниң әң муһим рәһбәрлиридин бири болуп, сиясий паалийәтлири түпәйлидин узундин бери түркмәнистан һөкүмити тәрипидин түрлүк җинайәтләр билән әйибләнмәктә.

Хәвәрләргә қариғанда, өткән йили түркмәнистан һөкүмити һаҗейфниң, азадлиқ радиосиниң мухбири болған сиңлиси огулсәпәр мурадофна вә иниси сәпәр дурди һаҗийифни қорал сақлиған дәп әйибләп, түрмигә ташлиған. Мурадофна, сотқа тартиладин бир нәччә һәптидин кейин, түрмидә гуманлиқ бир шәклидә өлгән.

Җүмә күни болғарийиниң варна районлуқ сот мәһкимиси түркмәнистан һөкүмитиниң 2000‏- йили болғарийигә қечип келип, болғарийә һөкүмитидин сиясий панаһлиқ тәләп қилған һаҗийефни, түркмәнистанға қайтуруп бериш тоғрсидики тәлипини иккинчи қетим рәт қилип, һаҗийефни түркмәнистанға қайтуруш, қанунларға хилап дәп, һөкүм чиқарған. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт