Bolghariye, türkmen pa'aliyetchini türkmenistan'gha qayturushni ret qildi


2007-04-14
Share

Bolghariye sot mehkimisi, türkmenistan hökümitining bolghariyide tutup turuluwatqan bir türkmen kishilik hoquq pa'aliyetchisini türkmenistan'gha qayturup bérish telipini ret qilip, bolghariye hökümitining uni derhal qoyup bérishi heqqide qarar chiqardi.

Türkmenistan hökümiti bolghariye hökümitidin, 1992- we ‏‏1998‏- yilliri arisida türkmenistan merkez bankisining mu'awin bashliqi bolup wezipe ötigen, anadurdi hajiyéfni türkmenistan'gha qayturup bérishini telep qilghan. Türkmenistan hökümiti hajiyéfni türkmenistan merkez bankisidin 41 milyon dollarning oghrilinishi délosigha chétishliq dep, eyiblimekte.

Emma kishilik hoquq pa'aliyetchilirining bildürüshiche, hajiyéf, sürgündiki türkmenistan siyasiy öktichi herikitining eng muhim rehberliridin biri bolup, siyasiy pa'aliyetliri tüpeylidin uzundin béri türkmenistan hökümiti teripidin türlük jinayetler bilen eyiblenmekte.

Xewerlerge qarighanda, ötken yili türkmenistan hökümiti hajéyfning, azadliq rad'i'osining muxbiri bolghan singlisi ogulseper muradofna we inisi seper durdi hajiyifni qoral saqlighan dep eyiblep, türmige tashlighan. Muradofna, sotqa tartiladin bir nechche heptidin kéyin, türmide gumanliq bir sheklide ölgen.

Jüme küni bolghariyining warna rayonluq sot mehkimisi türkmenistan hökümitining 2000‏- yili bolghariyige qéchip kélip, bolghariye hökümitidin siyasiy panahliq telep qilghan hajiyéfni, türkmenistan'gha qayturup bérish toghrsidiki telipini ikkinchi qétim ret qilip, hajiyéfni türkmenistan'gha qayturush, qanunlargha xilap dep, höküm chiqarghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet