Түркмәнистан президенти өмүр һәҗ қилди


2007-04-15
Share

Бу йил 2-айда түркмәнистан җумһурийитиниң президентилиқ вәзиписигә олтурған қурбангүл бәрдимуһәммәдоп, өзиниң тунҗи чәтәл зияритини сәуди әрәбистан вә мусулманларниң муқәддәс йери мәккә мәдинә қилип бекитиш билән йәкшәнбә күни мәккидә өмүр һәҗдә болған.

20 Йил әтрапида түркмәнистанни диктаторлуқ билән башқуруп, өткән йили 12-айда туюқсиз қозғалған йүрәк кесили билән вапат болған сабиқ президент сәпәр мурат ниязопниң орниға президентлиққа сайланған қурбангүл бәрдимуһәммәдоп, қәсәм бериш мурасимида сәпәр мурат ниязопниң йолини давамлаштуридиғанлиқини тәкитләш билән дөләттә ислаһат елип баридиғанлиқиниму әскәрткән иди.

Русийиниң итартас агентлиқиниң учуриға асасланғанда, қурбангүл бәрдимуһәммәдоп җиддә шәһиридә сәуди әрәбистан падишаһи абдулла ибн абдул әзиз билән түркмәнистан -сәуди әрәбистан мунасивәтлири вә сода-иқтисад һәмкарлиқлири һәққидә сөһбәтләшкән.

Сәуди әрәбистан билән түркмәнистан арисидики дипломатийилик мунасивәт 1992-йили орнитилған болуп, сабиқ президент ниязоп һаят вақтида сәудини зиярәт қилған һәм өмүр һәҗ қилған иди. Түркмәнистан билән сәуди әрәбистан икки мол енергийә записиға игә мусулман дөлитидур. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт