Türkmenistan prézidénti ömür hej qildi


2007-04-15
Share

Bu yil 2-ayda türkmenistan jumhuriyitining prézidéntiliq wezipisige olturghan qurban'gül berdimuhemmedop, özining tunji chet'el ziyaritini se'udi erebistan we musulmanlarning muqeddes yéri mekke medine qilip békitish bilen yekshenbe küni mekkide ömür hejde bolghan.

20 Yil etrapida türkmenistanni diktatorluq bilen bashqurup, ötken yili 12-ayda tuyuqsiz qozghalghan yürek késili bilen wapat bolghan sabiq prézidént seper murat niyazopning ornigha prézidéntliqqa saylan'ghan qurban'gül berdimuhemmedop, qesem bérish murasimida seper murat niyazopning yolini dawamlashturidighanliqini tekitlesh bilen dölette islahat élip baridighanliqinimu eskertken idi.

Rusiyining itartas agéntliqining uchurigha asaslan'ghanda, qurban'gül berdimuhemmedop jidde shehiride se'udi erebistan padishahi abdulla ibn abdul eziz bilen türkmenistan -se'udi erebistan munasiwetliri we soda-iqtisad hemkarliqliri heqqide söhbetleshken.

Se'udi erebistan bilen türkmenistan arisidiki diplomatiyilik munasiwet 1992-yili ornitilghan bolup, sabiq prézidént niyazop hayat waqtida se'udini ziyaret qilghan hem ömür hej qilghan idi. Türkmenistan bilen se'udi erebistan ikki mol énérgiye zapisigha ige musulman dölitidur. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet