Wén jyabaw türkmenistanni ziyaret qildi


2007-11-04
Share

Tashkent sepirini axirlashturghan xitay bash ministiri wén jyabaw 3 - noyabir küni kechte türkmenistan ziyaritini bashlidi, u shu küni axshimi türkmenistan paytexti ashxabad ayrodromida türkmenistan tashqi ishlar ministiri mélodofning qarshi élishigha érishti.

4 - Noyabir küni ashxabadtiki prézidént sariyining aldidiki meydanda prézidént qurban'gül berdimuhemmedof hörmet qarawulliri bilen birlikte wén jyabawni daghdughiliq kütüwalghan hemde wén jyabaw bilen qurban'gül berdimuhemmedof arisida ikki döletning siyasiy, soda-iqtisad hem énérgiye qatarliq her sahediki hemkarliqliri mesiliside söhbetler élip bérilghan.

Shu küni yene wén jyabaw türkmenistan xelq mejlisi re'isi nur berdiyéwa xanim bilenmu körüshüp, söhbet élip barghan.

Bu wén jyabawning tunji qétim türkmenistanni ziyaret qilishi bolup, bu yil 7 - ayda türkmenistanning yéngi prézidénti qurban'gül berdimuhemmedof béyjingni ziyaret qilip, re'is xu jintaw we bash ministir wén jyabaw bilen körüshüp, ikki dölet munasiwetlirini kücheytishke wede bergen hemde merhum prézidénti seper murat niyazow dewride imzalan'ghan énérgiye we siyasiy mesililerge a'it kélishimlerning dawamliq küchke ige bolidighanliqini bildürgen idi.

Rusiye agéntliqlirining xewer-analizlirigha asaslan'ghanda, türkmenistan shangxey hemkarliq teshkilatigha eza dölet emes, biraq u énérgiyige bay memliket bolup, xitay terep türkmenistan bilen tebi'iy gaz turubisi qurup, türkmenistan xitaygha her yili 30 milyard kub métir tebi'iy gaz mangdurushqa qoshulghan bolsimu, biraq, rusiye oxshashla türkmenistan bilen tebi'iy gaz kélishimi tüzüp, türkmen gazlirini rusiyige tartishqa kélishim hasil qilghan, yawropa ittipaqi bolsa kaspi déngizi arqiliq türkmen gazlirini kichik asiya yoli bilen yawropagha mangdurush tekliplirini bermekte.

Mana mushundaq murekkep riqabetke duch kelgen xitay imkan qeder türkmenistanni qolgha keltürüsh üchün tirishmaqta. Rusiye bolsa, xitayning eng chong énérgiye riqabetchisige aylan'ghan. Shu wejidin xitay bash ministirining bu qétimqi ziyariti muhim istratégiyilik meqsetlerni közligen. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet