Türkmenistan muweqqet prézidénti türkmen bashining dölet siyasiti özgermeydighanliqini jakarlidi


2006.12.22
Share on WhatsApp
Share on WhatsApp

Türkmenistan muweqqet prézidénti berdimuhemedof, türkmenistan döliti merhum prézidént seper murat niyazopning siyasitini dawamlashturidighanliqini jakarlidi.

Türkmenistanda 21 yildin béri özining shexsi istibdat hökümranliqini yürgüzüp kelgen niyazop ötken peyshenbe küni yürek késili sewebidin tuyuqsiz ölgen. Niyazop ölgendin kéyin uning ornigha muweqqet prézidént bolghan türkmenistan mu'awin bash ministiri berdimuhemmedof jüme küni téléwiziye nutuqi sözlep, türkmen puqralirining könglige teselli bermekchi boldi. Berdi muhemmedow saylam ötküzülgiche özining muweqqet prézidéntliqni üstige alidighanliqini bildürgen.

Niyazop ölüshtin burun warisini békitishke ülgürmigen idi. Bu ehwal türkmenistanda nopuz we hoquq boshluqi yaritipla qalmay, kishilerde ottura asiyadiki bu dölette hoquq kürishi partlash endishisi yaratmaqta.

Öktichiler bolsa niyazopning siyasitini dawamlashturushqa qarshi turdi. Türkmen öktichi ittipaqining rehbiri awdi quliyéf, fransiye axbarat agéntliqigha "berdimuhemmedof niyazopning siyasitini dawamlashtursa, xelq buni qobul qilmaydu. Peqet démokratiyidila muqimliqqa érishkili bolidu" deydu.

Rusiyining "wrémya nowostéy " géziti analizchisi arkadi dobnof, berdimuhemedofning türkmenistan weziyitini kontrol qilalaydighan shexs ikenlikige guman bilen qaraydighanliqini bildürmekte. Niyazopning depne murasimi yekshenbe küni ötküzilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.