Pakistan bir neper el-qa'ide bashliqini qolgha chüshürdi

Pakistan da'iriliri el-qa'ide teshkilatining yuqiri derijilik emeldari abu faraj el-libbini qolgha aldi.

Pakistan uchur ministiri sheyix reshide exmet, pakistan bixeterlik qisimlirining abu faraj el-libbini ötkenki bir- ikki kün ichide pakistanning gherbiy shimalidiki waziristan ölkiside qolgha chüshürgenlikini, shundaqla bu toqunushta yene, az dégende 5 neper chet'ellik el-qa'ide teshkilati ezasini tutqanliqini bildürdi.

Reshide exmet yene, bu kishilerni tutqandin kéyin, bixeterlik xadimlirining hazirghiche nurghun uchurlargha érishkenlikini, shundaqla buning, ularning el-qe'ide rehbiri osama bin ladénni tutush yolidiki qedimining toghra bésiliwatqanliqidin dérek béridighanliqini bildürdi.

El-libbi, 2003 - yili dékabirdiki pakistan prézidénti perwez musherrefni öltürüsh süyqestining orunlashturghuchisi dep guman qilin'ghan bolup, buningdin sirt u yene, ötken yili yüz bergen bash ministir shewket ezizni qestlep öltürüsh weqesiningmu jinayet gumandari hésablinidu.

El- libbi, pakistan hökümiti 20 milyon rupi yeni 340 ming amérika dolliri tutush mukapati chiqarghan kishi. Amérika hökümiti bolsa uning üstidin 5 milyon amérika dolliri tutush mukapati chiqarghan. (Peride)