Chégrisiz muxbirlar teshkilati yawropa parlaméntning xitayda pikir erkinlikini yolgha qoyush heqqidiki qarar layihisini alqishlidi

Chégrisiz muxbirlar teshkilati yawropa parlaméntining xitay bilen kishilik hoquq söhbitide otturigha qoyghan xitayda pikir erkinlikini yolgha qoyush heqqidiki qarar layihisini alqishlidi. Shundaqla xitay hökümitini2008 ‏- yilidiki olimpik musabiqisidin burun pikir erkinlikini yolgha qoyushqa؛ olimpik komitétini bolsa, xitayning 2001 ‏- yili olimpik heqqide bergen wedisige emel qilghan yaki qilmighanliqini tekshürüshke chaqirdi.

Chégrisiz muxbirlar teshkilatining asiya xewerliri' de bayan qilinishiche, yawropa parlaméntida maqullan'ghan qararda xitayda intérnétni nazaret astigha élishni, tor betlirini tosushni emeldin qaldurush؛ erkin pikir bayan qilghanliqi üchün türmige élin'ghan kishilerni quyup bérish؛ xitayda ishlewatqan chet'el zhornalistliri qoyulghan cheklimilerni bikar qilish heqqide teklip otturigha qoyulghan.

Xewerde bayan qilinishiche, yawrupa parlaméntining 12 ‏- ayning 18 ‏- küni bryussélda bu qarar heqqide échilghan axbarat yighinida, yawropa parlamént ezaliri, kishilik hoquq teshkilatliri, sakarof mukapati teshkilati, chégrisiz muxbirlar teshkilati qatarliq teshkilatlar birdekla olimpik musabiqisi bashlinishqa sekkiz ay qalghandimu, xitay téxiche özining bergen wedisige emel qilmaywatqanliqini jiddiy eyibligen. (Weli)