Украинийә президенти кучима президент сайлимидики намзатлар сөһбәт өткүзди


2004-11-26
Share

Украинийидики сайлам кризиси шәнбә күни 6 - күнигә қәдәм қойди. Сани аз болмиған намайишчилар, кейиф шәһиридә һөкүмәт бинасини давамлиқ қоршивалған. Украинийә аманлиқ даирилири өктичиләрни қоллашқа башлиған.

Америка симлиқ хәвәрләр тори CNN ниң хәвәр қилишичә, вәзиписидин айрилиш алдидики украинийә президенти кучима билән бу қетимқи сайламниң президент намзатлири януковеч вә өктичи күчләр рәһбири юшинколар сөһбәт өткүзди. Өктичи күчләрниң рәһбири юшинко, пәйәнбә күни украинийә али сот мәһкимисигә дава ечип, салам нәтиҗисини бикар қилишни тәләп қилған.

Али сот мәһкимиси өктичиләрниң әрзнамиси көздин кәчүрүлгәнгә қәдәр, сайлам нәтиҗиси күчкә игә дәп қарарлимайдиғанлиқини елан қилған.

Хәвәрләргә қариғанда оттура асиядики қазақистан, қирғизистан вә өзбекистан қатарлиқ дөләтләр, сайламда ғәлибә қилғанлиқи елан қилинған украинийә баш министири яянуковечни сайламда ғәлибә қилғанлиқи мунасивити билән тәбриклигән. Бирақ буниң сәл алдида явропа иттипақи билән америка, сайламниң нәтиҗисини қобул қилмайдиғанлиқини елан қилған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт