Ukra'iniyining weziyiti jiddileshmekte

2004-11-28
Élxet
Pikir
Share
Print

Ukra'iniye parlaménti ötken yekshenbe küni ötküzülgen ukra'iniye prézidént saylimi netijisining inawetsiz ikenlikini jakarlighandin kéyin, ukra'iniyide qayta prézidént saylimi ötküzüsh heqqidiki telepler kücheymekte.

Ukra'iniye parlaménti shenbe küni, ötken hepte ötküzülgen prézidént saylimida saxtiliq ehwallirining körülgenlikini we saylam netijisining xelqning iradisige xilapliqini körsitip, saylam netijisini bikar qilish heqqide qarar alghan. Parlamént ezaliri shundaqla merkizi saylam komitétigha ishenchisining yoqliqini bildürgen. Ukra'iniye merkizi saylam komitéti rusperes bash ministir yanokowichning saylamgha utup chiqqanliqini élan qilghan idi.

Gerche ukra'iniye parlaméntining bu qarari qanuniy küchke ige bolsimu, emma ukra'iniye aliy sot mehkimisining düshenbe künidiki axirqi qararigha tesir körsitidu dep qaralmaqta.

Ukra'iniye aliy sot mehkimisi düshenbe küni öktichi guruppa we xelq'ara nazaret tarmaqliqi sun'ghan saylamda keng kölemlik saxtiliq qilmishliri körülgenliki heqqidiki doklatni közdin kechürüp, qayta prézidént saylimi élip bérish -barmasliqni qarar qilidu.

Nöwette öktichi namzat yoshinko 12 - ayning 12 - küni prézidént saylimini qayta élip bérishni tewsiye qilmaqta. Bu arida, bash ministir yanokowichning nechche on minglighan qollighuchiliri okra'iniyining sherqide yighilish ötküzüp, eger öktichi namzat yoshinko prézidéntliqqa saylansa, ularning öz aldigha hökümet quridighanliqini bildürmekte. (Arzu)

Pikirler (0)
Share
Toluq bet