Путин украинийә президенти билән көрүшти
2004.12.02
Русийә президенти виладимир путин украинийидә талаш -тартиш пәйда қилған президент сайлими үстидә сөһбәтлишиш үчүн пәйшәнбә күни украинийиниң нөвәттики президенти лионид кучма билән көрүшти.
Ройтерис ахбарат агентлиқиниң билдүришичә, путин учришишта өзиниң украинийиниң парчилиниш вәзийитигә йеқиндин көңүл бөлидиғанлиқини билдүрүш билән биргә, президент лионид кучманиң украинийиниң бирлики үчүн көрсәткән тиришчанлиқлириға рәһмәт ейтти.
Хәвәрдә мәлум болишичә, путин сөзидә йәнә, бу қетимлиқ президент сайлам нәтиҗисини бикар қилиш тәливини әйипләп, пәқәт украинийә хәлқиниңла бу киризисни бир тәрәп қилалайдиғанлиқини билдүргән.
Лионид кучма сөһбәттин кейин русийә көрситиватқан тиришчанлиқларниң бу киризисни һәл қилишқа пайдилиқ икәнликини көрсәткән. Шундақла у москивадики зияритини ахирлаштуруп украинийигә қайтип кәлгәндин кейин җиддий баянат елан қилип, баш министир виктор янукович рәһбәрликидики нөвәттики һөкүмәтни тарқитишқа қошулидиғанлиқини, лекин буниң алдинқи шәрти чоқум башта йеңи сайламға зөрүр болған асасий қанун ислаһатини йолға қоюш керәкликини җакарлиди.
Русийәниң бу райондики тәсир даириси бир қәдәр күчлүк болуп, русийә президенти путин украинийиниң русийиниң тәсир даирисидә туришини үмид қилиду. Әмма бу қетмлиқ президент сайлими украинийидики русийә пәрәс күчләр билән ғәрп әллиригә йеқин өктичи гуруппилар оттурисидики ихтилапни ашкарилиди. (Пәридә)
Мунасивәтлик мақалилар
- Украинийә парламенти һөкүмәткә ишәнмәслик қарарини мақуллиди
- Окраинийдики али сот мәһкимиси, сайлам мәсилисини һәл қилиш үчүн тиришчанлиқ көрсәтмәктә
- Украинийиниң вәзийити җиддиләшмәктә
- Украинийә президенти кучима президент сайлимидики намзатлар сөһбәт өткүзди
- Украинийидики өктичи гуруппилар сайлам нәтиҗисигә риқабәт елан қилди
- Украинийә сайлам комитети әң ахирқи сайлам нәтиҗисини елан қилди
- Йошинко украинийә президенти билән сөһбәтлишишкә қошулди
- Хитай нефит турубиси мәсилисидә русийә билән келишим һасил қилалмиди
- Путин хитай зияритидә террорчилиққа қарши туруш мәсилисини алаһидә тәкитлиди
- Русийә презденти путин хитайни зиярәт қилмақчи