Putin ukra'iniye prézidénti bilen körüshti


2004-12-02
Share

Rusiye prézidénti wiladimir putin ukra'iniyide talash -tartish peyda qilghan prézidént saylimi üstide söhbetlishish üchün peyshenbe küni ukra'iniyining nöwettiki prézidénti li'onid kuchma bilen körüshti.

Roytéris axbarat agéntliqining bildürishiche, putin uchrishishta özining ukra'iniyining parchilinish weziyitige yéqindin köngül bölidighanliqini bildürüsh bilen birge, prézidént li'onid kuchmaning ukra'iniyining birliki üchün körsetken tirishchanliqlirigha rehmet éytti.

Xewerde melum bolishiche, putin sözide yene, bu qétimliq prézidént saylam netijisini bikar qilish teliwini eyiplep, peqet ukra'iniye xelqiningla bu kirizisni bir terep qilalaydighanliqini bildürgen.

Li'onid kuchma söhbettin kéyin rusiye körsitiwatqan tirishchanliqlarning bu kirizisni hel qilishqa paydiliq ikenlikini körsetken. Shundaqla u moskiwadiki ziyaritini axirlashturup ukra'iniyige qaytip kelgendin kéyin jiddiy bayanat élan qilip, bash ministir wiktor yanukowich rehberlikidiki nöwettiki hökümetni tarqitishqa qoshulidighanliqini, lékin buning aldinqi sherti choqum bashta yéngi saylamgha zörür bolghan asasiy qanun islahatini yolgha qoyush kéreklikini jakarlidi.

Rusiyening bu rayondiki tesir da'irisi bir qeder küchlük bolup, rusiye prézidénti putin ukra'iniyining rusiyining tesir da'iriside turishini ümid qilidu. Emma bu qétmliq prézidént saylimi ukra'iniyidiki rusiye peres küchler bilen gherp ellirige yéqin öktichi guruppilar otturisidiki ixtilapni ashkarilidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet