Ukra'iniye aliy sot mehkimisi saylamni inawetsiz qildi


2004.12.03
Share on WhatsApp
Share on WhatsApp

Ukra'iniye aliy sot mehkimisi jüme küni höküm chiqirip, 21 - noyabirdiki ukra'iniye prézidént saylimining netijisini inawetsiz, dep jakalidi. Shundaqla qayta saylam élip bérishni qarar qildi.

Amérika birleshme axbarat agéntliqining xewer qilishiche, ukra'iniye aliy sot mehkimisining sotchisi anatoli yaréma, qayta saylam 26 - dékabirda élip bérilishi kérek, dep qaraydighanliqini bildürgen.

Közetküchilerning ilgiri sürüshiche, ukra'iniye aliy sot mehkimisining saylam netijisini inawetsiz qilish heqqidiki qarari, yushinko bashchiliqidiki öktichilerning zor ghelibisi bolup hisaplinidu. Aliy sot, qayta saylamning kelgüsi 3 hepte ichide élip bérilishini qarar qilghan.

Intér faks axbarat agéntliqi, ukra'iniye aliy sot mehkimisining qayta saylam élip bérishni qarar qilipla qalmay, ukra'iniye merkizi saylam komitétining 21 - noyabirda élan qilghan ukra'iniye bash ministiri yanukowéchning saylamda ghelibe qilghanliqi heqqidiki qararinimu inawetsiz, dep jakalighanliqini xewer qildi.

Yashinko bashchiliqidiki öktichiler, 21 - noyabirdiki prézidént saylimida ukraniyidiki 25 oblastning 8 de saxtipezlik weqeliri yüz bergenlikini élan qilip, aliy sot mehkimisige dawa achqan . Yawropa ittipaqi bilen amérika saylam netijisini étirap qilmaydighanliqini jakalighan. Rusiye, blurusiye, qazaqistan, qirghizistan we özbékistanlar saylamda ghelibe qilghanliqi élan qilin'ghan yanukowéchni qollighan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.