Ukra'iniye prézidént saylimigha qayta bilet tashlidi

Ukra'iniye xelqi yekshenbe küni qattiq nazaret astigha élin'ghan prézidént saylimigha qayta bilet tashlidi. Küzetküchiler, saylamda öktichi guruppining rehbiri yushinkuning ghelibe qilishi mumkinlikini perez qilmaqta.

Ötken aydiki saylamda moskwaperes bash minister yanukowich utup chiqqan bolsimu, emma saylamda saxtiliq ehwalliri körülgenliktin, saylam netijisi ukra'iniye yuqiri sot mehkimisi teripidin inawetsiz qilin'ghan idi.

Chet'el axbaratlirining xewirige qarighanda, yekshenbe künidiki saylamni texminen 12 mingdin artuq chet'el küzetküchiliri nazaret qilghan. Bu ukra'iniye xelqining sekkiz hepte ichide üchinchi qétim prézidént saylimi élip bérishi bolup hésablinidu.

En'giliye b b s radi'o - télwéziyisining xewer qilishiche, bilet tashlash axirlashqan ponkitlardiki saylam xelqi üstidin élip bérilghan rayini sinash netijisige qarighanda, öktichi rehber yushinku, bash ministir yanukuwichtin ٪ 15 köp awazgha érishken. (Arzu)