Украинийә али сот мәһкимиси януковечниң әрзини рәт қилди


2004-12-31
Share

Украинийә али сот мәһкимиси қарар чиқирип, президент сайлими намзати һазирқи баш министир януковечниң сайлам нәтиҗисини бикар қилиш һәққидики әрзини рәт қилди. януковеч, 26 - декабирдики сайламда сахтипәзлик вәқәлири йүз бәргәнликини илгири сүрүп, сайлам нәтиҗисини бикар қилиш һәққидә али сот мәһкимисигә дава ачқан. Сайламда өктичиләр рәһбири йошинку ғәлибә қилған иди. Бирақ януковечсот мәһкимисиниң һөкүмигә қайил болмиғанлиқини билдүрүп, вәзиписидин истипа бәрмәйдиғанлиқини шундақла һөкүмәтни тарқитиветиш пилани йоқлиқини җакарлиған.

Украинийә али сот мәһкимиси януковечниң әрзинамисини көрүп чиқип, пәйшәнбә күни һөкүм чиқарди. Сайламда ғәлибә қилған йошинку, украинийә парламенти януковеч һөкүмитигә ишәнмәслик авази бәргәндин кейин, һөкүмәт қанунилиқини йоқатти, дәп көрсәткән. юшинко украинийидики 2 - қетимлиқ сайламда омуми биләтниң 50٪ дин көпәрәкини елип, москвапәрәс рәқиби януковечни мәғлуп қилған иди. Украинийидә бу йил 11 - айда өткүзүлгән сайламда януковеч ғәлибә қилған. Бирақ украинийә али сот мәһкимиси, сайламда сахтипәзлик вәқәлири йүз бәргәнлики сәвәбидин сайлам нәтиҗисини бикар қилип, қайта сайлам елип беришни буйриған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт