Ukra'iniye ali sot mehkimisi yanukowéchning erzini ret qildi

2004-12-31
Élxet
Pikir
Share
Print

Ukra'iniye ali sot mehkimisi qarar chiqirip, prézidént saylimi namzati hazirqi bash ministir yanukowéchning saylam netijisini bikar qilish heqqidiki erzini ret qildi. Yanukowéch, 26 - dékabirdiki saylamda saxtipezlik weqeliri yüz bergenlikini ilgiri sürüp, saylam netijisini bikar qilish heqqide ali sot mehkimisige dawa achqan. Saylamda öktichiler rehbiri yoshinku ghelibe qilghan idi. Biraq yanukowéchsot mehkimisining hökümige qayil bolmighanliqini bildürüp, wezipisidin istipa bermeydighanliqini shundaqla hökümetni tarqitiwétish pilani yoqliqini jakarlighan.

Ukra'iniye ali sot mehkimisi yanukowéchning erzinamisini körüp chiqip, peyshenbe küni höküm chiqardi. Saylamda ghelibe qilghan yoshinku, ukra'iniye parlaménti yanukowéch hökümitige ishenmeslik awazi bergendin kéyin, hökümet qanuniliqini yoqatti, dep körsetken. Yushinko ukra'iniyidiki 2 - qétimliq saylamda omumi biletning 50٪ din köperekini élip, moskwaperes reqibi yanukowéchni meghlup qilghan idi. Ukra'iniyide bu yil 11 - ayda ötküzülgen saylamda yanukowéch ghelibe qilghan. Biraq ukra'iniye ali sot mehkimisi, saylamda saxtipezlik weqeliri yüz bergenliki sewebidin saylam netijisini bikar qilip, qayta saylam élip bérishni buyrighan. (Erkin)

Pikirler (0)
Share
Toluq bet