Юшинку украинийиниң йеңи президенти болди
2005.01.23
Виктор юшинку йәкшәнбә күни қәсәм берип, украинийиниң президентлиқ вәзиписини тапшуруп алди. У, бу қетимқи сайлам вә һоқуқниң өткүзилишини "дөләтниң ғайәт зор ғәлибиси" дәп тәсвирлиди.
Америка бирләшмә ахбарат агентлиқиниң хәвиригә қариғанда, юшинкуниң нәччә он миңлиған қоллиғучилири йәкшәнбә күни кейифтики мустәқиллиқ мәйданиға келип, юшинкуниң қәсәм бериш мурасимиға қатнашқан. Нурғун дөләтләрниң дипломатлириму йәкшәнбә күндики мурасимға қатнашқан болуп, буниң ичидә америка ташқи ишлар министири колин павилму бар.
юшинку қәсәм бериш нутуқида, украинийиниң бирликини қоғдайдиғанлиқини тәкитләп, украинийиниң кәлгүси орниниң яврупа бирликиниң ичидә болиши керәкликини көрсәтти. У, украинийини демократик, гүлләнгән бир дөләткә айландуридиғанлиқи һәққидә вәдә бәрди. У йәнә украинийиниң русийә билән болған мунасивитиниму сақлап қалидиғанлиқини әскәртти.
Қәсәм бериш мурасими өткүзүлүштин икки ай аввал украинийидә өткүзүлгән президент сайлимида еғир сахтилиқ әһваллири көрүлгән. У қетимқи сайламда юшинку, москвапәрәс баш министәр янокувичкә уттуруп қойған иди. Сайламдин кейин кәң көләмлик наразилиқ намайиши көтүрүлүп, украинийә алий сот мәһкимиси қайтидин сайлам өткүзүшни қарар қилған. Нәтиҗидә йеңи сайламда юшинку президентлиққа сайланған. (Арзу)
Мунасивәтлик мақалилар
- Украинийә али сот мәһкимиси януковечниң әрзини рәт қилди
- Йошинкониң қоллиғучилири украинийә парламент бинасини қайта қоршивалди
- Ғәрб дөләтлири, украинийиниң сайлам нәтиҗисини қизғин тәбрикләйдиғанлиқини билдүрүшти
- Украинийиниң президент сайлимида, йошинко ғәлбигә еришти
- Украинийә президент сайлимиға қайта биләт ташлиди
- Украинийә хәлқи йәкшәнбә күни қайта сайлам елип бариду
- Украинийә алий сот мәһкимиси сайламни инавәтсиз қилди