Ukra'iniye hökümitide parchilinish yüz berdi

Ukra'iniye prézidénti yushénko yéqinda özining üch neper aliy yardemchisini wezipisidin qaldurush bilen hökümetni tarqitiwetkenlikini élan qilghan idi.

Meshhur sériq renglik inqilab arqiliq hakimiyetni igiligenlikige anche uzun bolmighan ukra'iniye hökümitidiki bu weqe xelq'ara jemiyetni özige jelp qildi.

Bu qétim wezipisidin qaldurulghanlarning biri ukra'iniye hökümitining bash ministiri yuliya timoshénko bolup, u yushénkoni tenqid qilip, uning bu qilmishining adil bolmighanliqini körsetken hemde hazir özlirining oxshash bolmighan ikki guruppigha ayrilghanliqini emma, bu guruppilarning öz ara urushmaydighanliqini tekitligen. Yuliya timoshénko xanim yene özining prézidént yushénkoni eyiblimeydighanliqini, chünki yushénkoning etrapini namuwapiq kishilerning qaplap kétishi bilen ularning özi bilen prézidént arisini buzuwatqanliqini körsetken.

Prézidént yushénkoning gherbperes bash ministir yuliya timoshénkoni emeldin qaldurup, uning ornigha yéngi bash ministir teyinlishini rusiye prézidénti wladimir putin qollighan. Emeliyette bolsa, timoshénko xanim prézidént yushénkoning hakimiyetni igilishide eng köp küch chiqarghan uning yéqin sepdéshi idi. (Ümidwar)