Явропа бихәтәрлик вә һәмкарлиқ тәшкилати украинийиниң өзбек мусапирлирини һәйдәп чиқиришини әйиблиди

• 
  2006-02-19

Б б с агентлиқиниң учуридин қариғанда, явропа бихәтәрлик вә һәмкарлиқ тәшкилати өзиниң йеқинда елан қилған доклатида украинийә даирилириниң өзбек мусапирлириға тутқан муамилисини тәнқид қилип, украинийиниң өз зиммисигә алған хәлқаралиқ җавабкарлиқларни бузғанлиқини көрсәткән. Чүнки, украинийә даирилири 14-15-феврал күнлири өткән йилидики әнҗан вәқәси мунасивити билән өзбекистан даирилири тәрипидин тутуш буйруқи чиқирилған үч нәпәр өзбек қачқунини тутуп, өзбекистанға қайтуруп бәргән. Бу адәмләр б д т мусапирлар идарисиниң гуваһнамисигә еришкән болуп, демәк улар сиясий панаһлиқ тилигәнләр иди.

Өзбекистан өктичилири йеқинқи 16 ай ичидә 29 нәпәр өзбекистан өктичисиниң украинийә тәрипидин мәҗбурий түрдә өзбекистанға қайтуриветилгәнликини билдүрүш билән б д т мусапирлар идарисидин бу әһвални тәкшүрүшни тәләп қилған.(Үмидвар)