Украинийә хитай билән иранға оғурлуқчә башқурулидиған бомба сатқан


2005-03-18
Share

Әнгилийидә чиқидиған "пул - муамилә гезити" ниң хәвәр қилишичә, украинийә 2001 - йили хитай билән иранға мусаписи 3000 километрлиқ ядро оқ беши елип йүрәләйдиған башқурулидиған бомба сатқан.

Хәвәрдә украинийә тәптиш даирилириниң сөзини нәқил кәлтүрүшичә, башқурулидиған бомбилар қанунсиз йоллар билән сетилған болуп, ядро оқ беши елип йүрәләйдиған 18 дана башқурулидиған бомбиниң 12 даниси иранға 6 даниси хитайға сетип берилгән. Тәптиш даирилири, хитай билән иранға башқурулидиған бомба сетиш содисиға арлашқан бир содигәрни қолға алған шундақла бу дилоға мунасивәтлик кишиләр үстидин тәкшүрүш һәркитини башлиған.

Бу сода украинийиниң сабиқ президенти лйонид кучима дәвридә елип берилған иди. Кучима өткән йили украинийидә йүз бәргән сериқрәң инқилабида, һоқуқини һазирқи президент юшинкоға өткүзүп бәргән.

Укранийә баш тәптишиниң ашкарилишичә, бу дилоға мунасивәтлик икки русийилик содигәрниң бири өткән йили прагада қолға елинған. Украинийә даирилириниң билдүрүшичә, японийә хитайға сетип берилгән башқурулидиған бомбиларниң шимали корийигә өткүзүп берилишидин әнсиримәктикән.

"Пул - муамилә гезити" украинийә һөкүмитиниң мәзкур дило үстидин елип барған тәкшүрүш паалийити, америкиниң кейифтики баш әлчиханиси тәрипидин диққәт билән көзитиливатқанлиқини билдүрди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт