Ukra'iniye xitay bilen iran'gha oghurluqche bashqurulidighan bomba satqan


2005-03-18
Share

En'giliyide chiqidighan "pul - mu'amile géziti" ning xewer qilishiche, ukra'iniye 2001 - yili xitay bilen iran'gha musapisi 3000 kilométrliq yadro oq béshi élip yüreleydighan bashqurulidighan bomba satqan.

Xewerde ukra'iniye teptish da'irilirining sözini neqil keltürüshiche, bashqurulidighan bombilar qanunsiz yollar bilen sétilghan bolup, yadro oq béshi élip yüreleydighan 18 dana bashqurulidighan bombining 12 danisi iran'gha 6 danisi xitaygha sétip bérilgen. Teptish da'iriliri, xitay bilen iran'gha bashqurulidighan bomba sétish sodisigha arlashqan bir sodigerni qolgha alghan shundaqla bu dilogha munasiwetlik kishiler üstidin tekshürüsh herkitini bashlighan.

Bu soda ukra'iniyining sabiq prézidénti lyonid kuchima dewride élip bérilghan idi. Kuchima ötken yili ukra'iniyide yüz bergen sériqreng inqilabida, hoquqini hazirqi prézidént yushinkogha ötküzüp bergen.

Ukraniye bash teptishining ashkarilishiche, bu dilogha munasiwetlik ikki rusiyilik sodigerning biri ötken yili pragada qolgha élin'ghan. Ukra'iniye da'irilirining bildürüshiche, yaponiye xitaygha sétip bérilgen bashqurulidighan bombilarning shimali koriyige ötküzüp bérilishidin ensirimektiken.

"Pul - mu'amile géziti" ukra'iniye hökümitining mezkur dilo üstidin élip barghan tekshürüsh pa'aliyiti, amérikining kéyiftiki bash elchixanisi teripidin diqqet bilen közitiliwatqanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet