Xitay néfit shirkiti yunikalgha qoyghan bahasini qayturiwaldi

Xitay déngiz-okyan néfit shirkiti seyshenbe küni, amérikining yunikal néfit shirkitini sétiwélish üchün qoyghan 18 yérim milyard dollarliq bahasini qayturiwalghanliqini jakarlidi.

Xitay déngiz- okyan néfit shirkitining bashliqi fu chéngyü bu heqte bergen bayanatida, ularning amérikining siyasiy weziyitining bésimi astida bu qararni chiqarghanliqini eskertip, amérikining mezkur shirketning bahasigha adil mu'amile qilmighanliqidin epsuslan'ghanliqini bildürdi.

Ilgiri yunikal shirkiti, amérikining shéwron néfit shirkitining 16 milyard 370 milyon dollarliq bahasini qobul qilghanda, xitayning déngiz- okyan néfit shirkiti tuyuqsiz yunikalgha shéwrondin2 milyard üstün baha qoyghan idi. Emma, xitayning bu shirkiti asasiy jehettin, xitay hökümitining kontrolluqidiki shirket bolghanliqi üchün, amérikida bu xitay shirkitining, amérikidiki shexsiy shirketler bilen baha talishishining adil bolmaydighanliqi heqqide nurghun bes- munaziriler peyda bolghan idi.

Xitay déngiz-okyan néfit shirkiti yunikalgha qoyghan bahasini qayturiwalghandin kéyin, emdi yunikal amérikining shéwron shirkiti bilen resmiy kélishim tüzse bolidu. Shundaqla shéwron yéqinda yunikalgha qoyghan bahasini östürüp 17 milyard 400 milyon dollargha yetküzdi. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar