Amérika, b d t nopus fondi jem'iyitige yardem bérishni toxtatti

Amérika hökümiti, birleshken döletler teshkilati nopus fondi jem'iyitini xitayning pilanliq tughut siyasitini qollighan dep eyiblep, bu jem'iyetke qilidighan 34 milyon amérika dollarliq iqtisadiy yardemni yene bir qétim toxtatti. Bu amérikining bu teshkilatqa 4 - qétim yardem bérishni toxtitishi bolup hésablinidu.

Amérika tashqi ishlar ministirliqining bir neper bayanatchisi shenbe küni bu heqte élan qilghan bayanatida yene, amérika hökümitining xitayni mejburiy bala aldurush pilanini derhal toxtutushqa chaqiridighanliqini tekitlidi.

Amérikining bu qararidin kéyin, birleshken döletler teshkilati nopus fondi jem'iyiti, amérikining qararidin tolimu epsuslan'ghanliqini bildürdi hemde mezkur nopus fondi jem'iyitining xitayning bu xil siyasitini qollighanliqi heqqide héchqandaq pakit yoqliqini otturigha qoydi.

Amérikining qanunida, hökümetning, mejburiy bala alduridighan we özining raziliqisiz tughut iqtidarini yoqitidighan ehwallargha munasiwetlik her qandaq bir xildiki teshkilatqa iqtisadiy yardem bérishige yol qoyulmaydu. (Peride)