Сабиқ ню-йорк сақчи башлиқи америка земин бихәтәрлик министирлиқлиқиға тәйинләнди


2004-12-03
Share

Америка президенти җорҗи буш, ню- йорк сақчи идарисиниң сабиқ башлиқи бернард керикни америка земин бихәтәрлик министирлиқиниң министирлиқлиқиға тәйинлиди. Бернард керик, 2001 - йилдики 11 - синтәбир террорлуқ вәқәси мәзгилидә ню - йорк шәһәрлик сақчи идарисиниң комисари болған.

11 - Синтәбир вәқәсидин кейин қурулған земин бихәтәрлик министирлиқи, америкидики көлими вә тәсири әң чоң министирлиқларниң бири. Земин бихәтәрлик министирлиқи көчмәнләр идариси , федерал тәкшүрүш идариси, тамозна , дөләт бихәтәрлик идариси қатарлиқ 20 нәччә органни башқуриду.

Президент буш, бернард керикниң 11 - синтәбирдики террорлуқ һуҗумидин кейин ипадилигән тәҗрибиси, униң земин бихәтәрлик министирлиқини башқуруши үчүн ярдими тегиду дәп көрсәтти.

Әгәр президентниң буйруқи америка дөләт мәҗлисиниң тәстиқидин өтсә, бернард керик земин бихәтәрлик министирлиқиниң сабиқ пенсилванийә валиси там риҗдин кейинки 2 - министири болуп қалиду. Президент буш, "бернард керик америкиниң 11 - сентәбир вәқәсидин кейин дуч кәлгән мәҗбурийитини чүшиниду" дәп әскәртти. Бернард керик йитәкчилик қилидиған земин бихәтәрлик идарисиниң 180 миң хизмәтқиси бар. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт