Sabiq nyu-york saqchi bashliqi amérika zémin bixeterlik ministirliqliqigha teyinlendi


2004-12-03
Share

Amérika prézidénti jorji bush, nyu- york saqchi idarisining sabiq bashliqi bérnard kérikni amérika zémin bixeterlik ministirliqining ministirliqliqigha teyinlidi. Bérnard kérik, 2001 - yildiki 11 - sintebir térrorluq weqesi mezgilide nyu - york sheherlik saqchi idarisining komisari bolghan.

11 - Sintebir weqesidin kéyin qurulghan zémin bixeterlik ministirliqi, amérikidiki kölimi we tesiri eng chong ministirliqlarning biri. Zémin bixeterlik ministirliqi köchmenler idarisi , fédéral tekshürüsh idarisi, tamozna , dölet bixeterlik idarisi qatarliq 20 nechche organni bashquridu.

Prézidént bush, bérnard kérikning 11 - sintebirdiki térrorluq hujumidin kéyin ipadiligen tejribisi, uning zémin bixeterlik ministirliqini bashqurushi üchün yardimi tégidu dep körsetti.

Eger prézidéntning buyruqi amérika dölet mejlisining testiqidin ötse, bérnard kérik zémin bixeterlik ministirliqining sabiq pénsilwaniye walisi tam rijdin kéyinki 2 - ministiri bolup qalidu. Prézidént bush, "bérnard kérik amérikining 11 - séntebir weqesidin kéyin duch kelgen mejburiyitini chüshinidu" dep eskertti. Bérnard kérik yitekchilik qilidighan zémin bixeterlik idarisining 180 ming xizmetqisi bar. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet