Amérika hökümet wekilliri ottura asiyadiki Uyghurlar mesilsini otturigha qoydi

9‏-Ayning 24‏- küni polshaning paytexti warshawa shehiride échilghan hemde 5 ‏- öktebir künige qeder dawamlishidighan, yawrupa bixeterlik we hemkarliq kéngishining yighinigha qatnashqan amérika hökümet wekilliri, yighinda amérika hökümiti namidin ottura asiyadiki Uyghur siyasiy pa'aliyetliri mesilisini otturigha qoyup, ottura asiya döletlirini Uyghur siyasiy pa'aliyetchilirini xitaygha qayturmasliqqa chaqirdi.

Urush we siyasiy seweblerdin öz yurtlridin ayrilishqa mejbur bolghan musapirlar we siyasiy qachqunlarning ehwali heqqide amérika hökümiti namidin , yawrupa bixeterlik we hemkarliq teshkilatining yighinda süz qilghan amérika tashqi ishlar minstirliqining xadimi témiz ependi, ottura asiyadiki Uyghur musapirliri we siyasiy pa'aliyetchilirining mesilsini alahide otturigha qoyghan.

Témiz ependi yighinda qilghan sözide "ottura asiya döletlirining Uyghur pa'aliyetchilirini mejburiy halda xitaygha qayturushi amérika hökümitini endishilendürmekte. Amérika hökümiti, munasiwetlik döletlerdin Uyghur pa'aliyetchilirini xitaygha qayturushni toxtitishini telep qilidu shuningdek yawrupa bixeterlik we hemkarliq teshkilatining ottura asiya döletliridiki wekillirini Uyghurlarning ehwalini yéqindin közitishke chaqiridu" dégen.

Yawrupa bixeterlik we hemkarliq teshkilatining bu qétimqi yighinigha dunya Uyghur qurultiyi wekillirimu qatniship, Uyghurlarning nöwettiki ehwali bolupmu, Uyghur siyasiy pa'aliyetchilirining ottura asiyadiki weziyiti heqqide yighin qatnashquchilirigha melumat bergen idi. (Eqide)