Özbékistanda xelq'araliq naxsha-muzika féstiwali ötküzüldi


2007-09-02
Share

Sabiq sowét ittipaqi dewride sherq medeniyitining wekili dep qarilip, moskwa teripidin köpligen dunyawi medeniyet féstiwalliri ötküzgen özbékistan musteqilliqqe érishkendin kéyin, xelq'ara sehniside diktatorluqning simwoli süpitide tonulup qélish bilen xelq'araliq zor pa'aliyetlerni uyushturushni aktiplashturalmay qalghan bolsa, uning eksiche qazaqistan merkiziy asiyadiki dunyaning diqqitini tartqan döletke aylan'ghan idi.

Yéqinqi uchurlardin qarighanda, prézidént islam kerimof, dölet obrazini yaxshilash üchün bezi qedemlerni basqan bolup, tashkent xelq'ara islam qurultiyi teripidin 2007-yilliq dunya islam paytexti dep atalghan.

Perghane uchur agéntliqining xewer qilishiche, 30- awghust küni özbékistanning semerqend shehiride xelq'araliq sen'et féstiwali ötküzülgen bolup, bu féstiwalgha misir, italiye, malayshiya, kéniye, jenubiy koriye, xitay qatarliq 50 döletning artisliri qatnashqan.

Bu féstiwalda birinchi derijige érishken kishige 10 ming dollar bérish qarar qilin'ghan bolup, kuwéytlik artist birinchi orunni igiligen. Xitay, kéniye we malaysiyaliq artistlar üchinchi orunni igiligen.

Qirghizistan artislirigha kolléktip milliy alahidiliki jehettin mukapat bérilgen bolsa, ezerbeyjan we özbékistan artislirimu özige xas bolghan mukapatlargha érishken. Xewerge asaslan'ghanda, bu qétimqi féstiwalda mexsus sherq ahanglirida naxsha éytish telep qilin'ghan bolup, emma, xitay wekilliri ichide Uyghurlarning bar yoqluqi heqqide melumat bérilmigen. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet