Wén jyabaw chet'el axbarat wasitilirining hoquqlirini qoghdaydighanliqqa wede berdi

En'gliyini ziyaret qilghan xitay bash ministiri wén jyabaw 13 - séntebir küni en'giliye bash weziri toniy blayir bilen söhbetleshkende xitay hökümitining chet'el axbarat wasitiliri, axbarat organlirigha bolghan échiwétish siyasitining özgermeydighanliqini bildürdi.

B b s agéntliqining uchuridin melum bolushiche, wén jyabaw "junggo hökümiti bu organlarning xewer bérish erkinliki we hoquqlirigha kapaletlik qilidu shuningdek bu orunlarning junggoning qanunlirigha hörmet qilidighanliqigha ishinidu" dep tekitligen.

Buningdin bir qanche kün ilgiri xitay hökümiti bir yéngi qarar élan qilip, chet el axbarat wasitilirining xitaydin uchur tarqatqanda shinxu'a agéntliqining testiqini élishi lazimliqini körsetken. Bu qarar xelq'ara metbu'at sahesining naraziliqini qozghighan idi. Nöwette xitay, axbarat we söz erkinliki yoq dölet dep eyiblenmekte.

Wén jyabaw toniy blayér bilen ikki memliketning soda iqtisad, énérgiye hemkarliqi hemde 2008-yilidiki béyjing hem 2012-yilidiki london olimpik yighinliri mesilisi heqqide pikir amlashturghan. Wén jyabaw londondiki ziyariti jeryanida naraziliq namayishlirigha duch keldi. (Ümidwar)