Хитайниң баш миниситири вен җябав, һиндистандики 4 күнлүк зияритини башлиди

Хитайниң баш министири вен җябав, шәнбә күни һиндистанға қаратқан 4 күнлүк зияритини башливәтти. Вен җябав алди билән һиндистанниң пән - техника учур шәһири һесабланған бангилора шәһирини зиярәт қилди.

Америка бирләшмә агентлиқиниң хәвиридә көрситилишичә, вен җябав һиндистан рәһбәрлири билән хитай - һиндистан чегра мәсилиси, сода мунасивити һәмдә тибәтниң диний даһиси далай лама мәсилиси қатарлиқ тәрәпләрдә музакирә елип баридикән.

Һиндистан сақчи даирилири, тибәтликләрниң вен җябавниң һиндистан зияритигә наразилиқ билдүрүшидин әндишә қилип, бир қатар тәдбирләрни елиштин сирт, сүргүндики тибәт һөкүмитиниң икки рәһбирини тутқун қилған шуниңдәк 50 кә йеқин тибәт оқуғучисини вақтинчә мәктәптин тохтатқан.

Гәрчә, бангилора шәһириниң сақчи башлиқи мәзкур тәдбирләрдин кейин, тибәтликләрниң наразилиқ һәрикәтлири йүз бәрмәсликкә капаләтлик қилғили болидиғанлиқини билдүргән болсиму, бирақ тибәтликләр йәнила хитайниң йеңи деһлидики әлчиханиси алдида, вен җябавниң зияритигә қарши намайиш елип барған.

Вен җябав, җәнубий асия дөләтлиридики зияритиниң тунҗи бекити болған пакистанни зиярәт қилғанда, пакистан билән һиндистан оттурисидики ихтилаплар болупму, икки дөләт арисики кәшмир мәсилисини бир тәрәп қилишта көврүклүк рол ойнаш һәққидә пакистан рәһбәрлиригә вәдә бәргән иди. (Әқидә)