Rusiyede ikki qétim ayrupilan chüshüp kétip, 89 kishi qaza tapti

Rusiyede bir künning ichide yüz bergen ikki qétimliq ayrupilan chüshüp kétish weqeside yoluchi we xizmet xadimliri bolup jem'iy 89 kishi qaza tapti.

Firansiye axbarat agéntliqining xewirige qarighanda, bu ikki ayrupilan moskwadin bir sa'et ilgiri kéyin uchqan bolup, her ikkilisi oxshash bir waqitta yerge chüshüp ketken. Shundaqla arisidiki bir ayrupilandin yerge chüshüp kétishtin burun ayrupilanning bulan'ghanliqi heqqide ségnal bérilgen.

Rusiye prézdénti wiladimir putin bu weqede térrorchi küchlerning éhtimalliqini nezerdin saqit qilishqa bolmaydighanliqini bildürüp, rusiye bixeterlik orunlirini bu weqeni tézdin éniqlashqa buyrighan.

Xewerde ilgiri sürilishiche, bezi kishiler bu ikki weqening chéchenistan musteqilchiliri bilen munasiwiti bar bolishidin guman qilmaqta. Chünki yene bir nechche kündin kéyin chéchenistanda prézdént saylimi élip bérilmaqchi.(Peride)